Minjasafnið á Akureyri - Akureyri Museum

Minjasafnið á Akureyri, Akureyri Museum, Historicla Museum, Akureyri History, Exhibitions Akureyri, Menning á Akureyri

Flýtilyklar

Fréttir

Ljósmyndaspjall

Vissir þú að ljósmyndir voru teknar á silfurplötur eða glerplötur sem passa þurfti uppá að brotnuðu ekki. Laugardaginn 8. mars kl 14 mun Hörður Geirsson, sérfræðingur ljósmyndadeildar Minjasafnins á Akureyri, spjalla við gesti safnins um ljósmyndatækni fyrr og nú.

Aðgangur ókeypis.

Hörður mun auk þess segja stuttlega frá ljósmyndasýningunni Þekkir þú...fjölbreytileika mannlífsins? sem nú stendur yfir á safninu. Glöggir gestir hafa borið kennsl á 73% myndanna sem er mjög góður árangur en betur má ef duga skal. Enn gefst því tækifæri til að spreyta sig á því að finna heiti á fólk, hús og þorp. Myndirnar eru teknar víða um land á árunum 1920-1960 og eru flestar úr safni ljósmyndastofu Jóns og Vigfúsar á Akureyri. Munt þú þekkja einhvern eða eitthvað eða veistu jafnvel af hvaða tilefni myndin er tekin?? Komdu og spreyttu þig og fræðstu í leiðinni um það hvernig myndir voru teknar hér áður fyrr.  Áhugasömum gestum er bent á að ljósmyndasýningin Þekkir þú...híbýli mannanna? sem sett var upp í fyrra má nú sjá á heimasíðu safnins www.akmus.is Sýningin er opin alla laugardaga  frá 14-16 til 26. apríl  Allir velkomnir og enginn aðgangseyrir  

Myndin er ein af þeim fáu af ljósmyndasýningunni sem enn er óþekkt. Getur þú lagt okkur lið með því að finna út hver er þarna í forgrunni og hvar hún stendur?


Til baka


Innskráning

moya - Útgáfa 1.10 RC1 2006 - Stefna ehf

Framsetning efnis