Minjasafnið á Akureyri - Akureyri Museum

Í safnbúð Minjasafnsins má finna þjóðlegan fróðleik, íslenska hönnun og handverk og margt fleira athyglisvert, muni sem tilvaldir eru sem hverskyns tækifærisgjafir.

Umsjón með verslun hefur Kristin Sóley Björnsdóttir - kristinsoley@minjasafnid.is

 Sýnishorn úr safnbúð

Sjónabók

Íslensk sjónabók er nú fáanleg í safnbúð Minjasafnsins. Um er að ræða handrit með munstrum sem notuð voru í hannyrðum á 17.-19.öld, brunn hugmynda með sterka tilvísun í íslenskan menningararf sem nýst getur sérlega vel til nýsköpunar.                                         

Heimilisiðnaðarfélag Íslands í samvinnu við Þjóðminjasafn Íslands og hönnunar- og arkítektúrdeild Listaháskólans gáfu bókina út vorið 2009. Bókin er bæði á íslensku og ensku og henni fylgir geisladiskur með öllum munstrunum sem hægt er að prenta út að vild til notkunar í hönnun, handverki og/eða kennslu.

Verð: 18.200,-

BAGUS - lyklahús

Falleg lítil lyklahús frá danska fyrirtækinu Bagus. Húsin eru hengd á vegg og inní þeim hvílir fuglinn (lyklakippan) þar til eigandi þarf á lyklunum að halda. Fuglinn er einnig flauta.

(lyklakippa í húsi 2.290,-)

BAGUS - snagar:

Snagar frá danska fyrirtækinu BAGUS, í laginu eins og trjágrein sem á situr litill fugl í lit. Snagarnir eru úr plasti og eru seldir saman tveir í pakka.

(snagar frá Bagus, tveir í pakka á 2.990,-)

SUÐUSÚKKULAÐI úr Þjóðminjasafni:

Siríus suðusúkkulaði 200 gr. í gamaldags umbúðum frá Þjóðminjasafni Íslands.

HEIMAGLÓÐ - ilmkerti:

Kerti gerð úr 100% íslenskri tólg að viðbættri ilmolíu, lit og gulldufti. Tólgin er hrein náttúruafurð, unnin úr lambamör hjá Stóruvöllum ehf. í Bárðardal.

(Heimaglóð ilmkerti 950,- og súkkulaði frá Þjms 600,-)

ÁLFADÍSIR

Álfadísir eftir Írisi Ólöfu Sigurjónsdóttur textíllistakonu, endurunnar úr ýmsum efnum.

(álfadísir 2.200,-)

MARGRÉT JÓNSDÓTTIR: 

Margrét Jónsdóttir leirlistarkona á Akureyri hefur í samvinnu við Minjasafnið hannað þessi fallegu drykkjarmál með merki safnsins.

  (Drykkjarmál kr.4.500)

HUGRÚN ÍVARSDÓTTIR: 

Mynstrað munngæti - heimilistextílar hannaðir af Hugrúnu Ívarsdóttur. Um þrjár línur er að ræða, fyrst ber að nefna okkar þjóðlega Laufabrauð sem fæst í tveimur litum, rauðu og dröppuðu, þá er það Blóm lífsins, mynstur unnið upp úr gömlu söðuláklæði og voru teikningar eftir Sölva Helgason einnig hafðar þar til hliðsjónar og í þriðja lagi er nýjasta línan Brostu með hjartanu, munstur unnið upp úr hjartamunstri Akureyringa og er framleidd í þremur litum, bláu, grænu og bleiku. Í safnbúðinni seljum við værðarvoðir, viskastykki, löbera, svuntur, munnþurrkur, servéttur og kort.

(löber "Blóm lífsins" kr.5.600)

AURUM:

Eftirfarandi skartgripalínur eftir Guðbjörgu Kristínu Ingvarsdóttur eru fáanlegar í safnbúð Minjasafnsins: Fold, Agla, Hafey, Salka, Ísold, Dögg, Embla og Svala.....eyrnalokkar, hálsmen, hringar, armbönd - sjón er sögu ríkari!

HEKLA ISLANDI:

Kerti, servéttur og tækifæriskort unnin af Heklu Björk Guðmundsdóttur undir áhrifum frá íslenskri náttúru. Eigum til einar tíu gerðir af þjóðlegum servéttum, fjórar af kertum og einnig glæsileg kort eftir listakonuna.

HREFNA-HRINGAR:

Fallegir heklaðir hringar í ýmsum litum með perlu/steini. Málmur í baugi nikkelfrír og stækkanlegur.

                            (heklaður hringur kr.3.900)                               

SÆLUSÁPUR:

Gæðasápur úr náttúrulegum íslenskum hráefnum s.s. tólg, lífrænu byggi, villtum jurtum úr heimahéraði og mjólk úr þingeyskum kúm, eru framleiddar af fyrirtækinu Sælusápur-Lón ehf. í Kelduhverfi. Hægt er að velja um 16 mismunandi tegundir af sápum. Ný framleiðslulína er tólgarilmkerti, sem unnin eru m.a. úr íslenskri tólg í samstarfi við Stóruvelli ehf. í Bárðardal. Tvær útgáfur verða til sölu fyrst um sinn, annars vegar Heimaglóð með rósailmi og hins vegar Vinaglóð með lavender-/vanilluilmi.

                                                             (Sápa kr. 750)

ALVARA.IS:

Handvinnupakkar framleiddir af Alvara.is, ýmis munstur til útsaums, hnútar og rósir unnar m.a. upp úr gömlum íslenskum sjónabókum.

(útsaumspakkar:Riddararós kr.4.100 - Öræfarós kr.1.990)

 DALVÍKURSLEÐI:

Magasleðar sem smíðarir voru m.a. á Dalvík í stórum stíl um miðbik síðustu aldar, voru fyrirmynd Dags Óskarssonar hönnuðar við gerð á Dalvíkursleðanum. Eigum til 2 liti í safnbúðinni.

(Dalvíkusleði kr.12.500)

• Forsíða
• Minjasafnið
  • Starfsmenn
  • Vinafélag
  • Rannsóknir
  • Verðskrá
  • Sýningar
• Laufás
• Fræðsla
• Safnbúð
• Myndir
• Fyrirspurn
• Skáldahúsin/Dichterhäuser