Búkolla - brúðuleikhús

Þegar kú fjölskyldunnar hverfur er ungum dreng falið að finna hana. Hann ferðast um fjöll og firnindi, að enda jarðar þar sem hafið lemur klettahamrana. Það sem hann uppgötvar breytir lífi hans að eilífu. Saga um mikla vináttu þar sem fram koma galdrakú, hrekkjótt tröll og fallegar handgerðar brúður eftir Gretu Clough. 

Handbendi Brúðuleikhús hefur unnið til alþjóðlegra verðlauna og hefur aðsetur sitt á Hvammstanga. Það er stofnað af Gretu Clough, fyrrum listamanni hússins í hinu fræga Little Angel brúðuleikhúsi í Lundúnum, Handbendi skapar sýningar fyrir alla aldursflokka sem fara í leikferðir innanlands og utan. 

Sýninngin er um 25 mínútna löng. Að sýningu lokinni er hægt að spjalla við brúðuleikarann og skoða brúðurnar betur. Hentar allri fjölskyldunni.