Aðventudagur Handraðans

Það verður sérstaklega jólalegt um að litast í Nonnahúsi sunnudaginn 10. desember þar sem félagar úr Þjóðháttafélaginu Handraðanum verða að störfum. Jól verða undirbúin í anda fyrri tíðar með kertagerð, skorið út laufabrauð, sungið og kveðið, föndrað og jólatréið skreytt til jólanna. Jólaandinn verður svo sannarlega í heimsókn þennan daginn. Í Nonnahúsi er einnig að finna sýningu á jólaskrauti frá ýmsum tímum. Þá er efni úr dagbókum Sveins Þórarinssonar sem tengist jólum á veggjum hússins. Var jólaös í Innbænum?

Á tónlistarsýningu Minjasafnsins hljóma fagrir harmonikutónar frá Félagi harmonikuunnenda við Eyjafjörð. Þar eru einnig sýningarnar Jólin koma þar sem stofustemningin er við völd. Í borðstofunni er þess beðið að íbúar setjist til borðs, jólatréið er skreytt og ilmur í lofti. Í skólastofunni er síðasti skóladagur fyrir jólafrí með skreyttri töflu. Sýninguna prýða myndir og munir. Á neðri hæðinni eru nokkrir óþekktu jólasveinarnir ásamt jólafjallinu sem er hægt að skyggnast inn í.

Opið verður í Leikfangahúsinu – Friðbjarnarhúsi Aðalstræti 46, þar gefur að líta ýmis leikföng sem rötuðu undir jólatré í fortíðinni eða vonast var eftir að yrðu þar.

Verið öll velkomin.