Fundur í stjórn Minjasafnsins á Akureyri miðvikudaginn 7. nóvember 2007.

 

Mætt voru:

Kristján, Baldvin, Guðrún Kr., Margrét, Ragnheiður, Kristín Sóley kynningarstjóri Minjasafnsins, Guðrún safnstjóri. Gestur fundarins var Kjartan Lárusson frá Markaðsskrifstofu ferðamála á Akureyri.

 

Gjörðir fundarins voru:

Formaður setti fund og bauð fundarmenn velkomna, sérstaklega Kjartan Lárusson.

  1. Formaður spurði hvernig við getum fjölgað gestum á Minjasafnið. Sagði Kjartan að gert hefði verið átak í Lapplandi til að gera söfn lifandi þannig að gestir fengju að snerta hluti, og yrðu þáttakendur í sýningunum.
    Guðrún safnstjóri benti á að Minjasafnið er illa staðsett gagnvart farþegum skemmtiferðaskipa.
    Kjartan sagði frá því að víða í bæjarfélögum erlendis er hátíð í bæ þegar skip koma. Bærinn á að vera með skemmtiferðastrætó sem ókeypis er í, vera með hljómsveit, söng eða einhverja uppákomu til að skemmta ferðamönnum. Benti hann á að gott væri að dreifa bæklingum safnsins til allra gististaða á svæðinu, fá þessa aðila til að taka bæklinginn inn til sín og mæla með safninu, að þarna sé sagan okkar.
    Rætt var um skort á aðdráttarafli fyrir börn, og í því sambandi nefndur sá möguleiki að hafa hestakerru, sjávardýr í kari, sagnabrunn, eða eitthvað sambærilegt einstakt.
    Kjartan sagði hópa ferðamanna vera þrenns konar: skipafarþega, ferðamenn í rútuferðum og fólk á bílaleigubílum. Sagði hann að leiðsögumenn hefðu talsvert um það að segja hvaða staðir eru heimsóttir í hópferðum.
    Nú vék Kjartan af fundi og Kristín Sóley einnig, en áður en hún fór þakkaði formaður henni fyrir vel unna viðskiptaáætlun vegna uppbyggingar á Gásum. Kristín Sóley mun athuga hvort Minjasafnið getur sem sjálfseignarstofnun gerst aðili að sjálfseignarstofnun um Gásakaupstað. 
     
  2. Undirbúningur fyrir Héraðsnefndarfund 14. nóv. næstkomandi.
  3.  Önnur mál, Guðrún kom með þá tillögu að stjórn og starfsfólk færi á tónleika með Garðari Cortez í Íþróttahöllinni þann 8. des. nk. Var það samþykkt.
 

Næsti fundur ákveðinn mánudaginn 12. nóv. kl. 18. Formaður sleit fundi.

  

MJ/gk