Búðarfundur

Áratugum saman stóð KEA fyrir svokölluðum búðarfundum þar sem hópi viðskiptavina hverrar búðar, oftast húsmæðrum, var boðið að koma í búðina eftir lokun þar sem leitað var eftir „áliti þeirra á þeirri þjónustu, sem búðin veitir, og tillögum um það, á hvern hátt megi bæta hana.“ Þarna voru einnig kynntar nýjar vörur og spjallað yfir kaffibolla.

Nú ætlum við á Minjasafninu á Akureyri að halda búðarfund á ljósmyndasýningunni Hér stóð búð. Á honum ætlum við að segja frá myndunum en ekki síður að hlusta á gestina. Hefur þú sögu að segja okkur?

Í leiðinni segjum við frá starfsemi safnsins. Hvað varðveitir safnið marga gripi eða ljósmyndir? Hvað er á döfinni? Þá viljum við heyra hvað safnið gæti gert betur og hvað gestir vilja sjá.

Aðgangur ókeypis Boðið verður upp á kaffi og kleinur.