Fullveldið á hlaðinu - Annir hversdagsins

Gamli bærinn í Laufási iðar af lífi þegar heimilisfólkið sinnir önnum hversdagsins. Á hlaðinu er rætt um gang stríðsins og væntanlegan sambandslagasamning á milli þess sem heyjað er. Inni í bænum er verið að búa til skyr, staga í gömul föt og sokka á baðstofuloftinu og sinna þvottinum. Hvað annað skyldi heimilisfólk vera að gera?

Prestsetrið í Laufási er stór og veglegur torfbær frá 19. öld sem er hluti húsasafns Þjóðminjasafns Íslands en í umsjón Minjasafnsins á Akureyri.