Sýningin Í skugganum segir sögu fyrstu kvennanna sem lögðu stund á ljósmyndun í danska konungsveldinu, nýlendum þess og Bandaríkjunum frá 1872 og fram til 1925. Á Akureyri er Anna Schiöth fulltrúi þessara 10 kvenna.
Yfirskrift sýningarinnar vísar til þess að konurnar sem sköpuðu ljósmyndirnar sinntu verkum sínum í skugganum, í bókstaflegri merkingu – það er að segja á bak við myndavélina. Yfirskriftin vísar hins vegar einnig í það að þessar konur stóðu oftast í skugga karlkyns starfsbræðra sinna og verk þeirra voru jafnvel eignuð eiginmönnum þeirra. Þannig hafa margar konur sem störfuðu við ljósmyndun aldrei fengið sinn réttmæta sess á spjöldum sögunnar. Á þessari sýningu fá konur í hópi frumkvöðla í ljósmyndun í fyrsta sinn að stíga út úr skugganum og taka sér það rými í sögu ljósmyndunar sem þær eiga með réttu tilkall til.
Allar áttu þær sameiginlegt að með ljósmyndum sínum skrásettu þær eigin samtíma og samferðafólk. Ljósmyndir þeirra eru í dag merk heimild um sögu og liðna tíma.
Minjasafnið á Akureyri - Nonnahús daglega kl. 13-16
Laufás, Davíðshús og Smámunasafnið opið fyrir hópa
Opið fyrir skólahópa frá kl. 8:30.