Jólafræðsla

Jólastund á Minjasafninu fyrir 1.-5. bekk og elsta árgang í leikskóla

Notaleg stund þar sem blandast saman söngur og fróðleikur.

Hvað er í boði?

Jólafræðslan í ár verður tvískipt og tekur tæpan klukkutíma.
 Á Minjasafninu í tónlistarsýningunni verður söngstund með Sesselíu og Siggu þar sem sungin verða ýmis jólalög. Í Minjasafnskirkjunni spjallar Haraldur safnstjóri við nemendur um jólasiði fyrr og nú. Skoðaðir verða ýmsir gripir sem tengjast jólahaldi. Hópurinn fer á báða staði í söng og fræðslu.

Hvenær kemst hópurinn?
Dagskráin er í boði klukkan  9, 10 og 11.

19. nóvember til  17. desember

Fyrir hvern?

Elsti árgangur í leikskóla og 1. – 5. bekk grunnskóla eru velkomin í heimsókn.

Hvernig kemst ég?

Leið 6 stoppar fyrir framan safnið á heila tímanum og miðast heimsóknin við þann tíma sem tekur að fara úr og í strætó.

Leið 5 stoppar einnig fyrir framan safnið á hálfa tímanum.

Í Nonnahúsi verður opið jólahús og hægt að bíða þar eftir strætó eða tímanum sínum.
Minjasafnsgarðurinn er einnig tilvalinn áningastaður.

Hvernig tryggi ég mér tíma?

Bókað á minjasafnid@minjasafnid.is eða í síma 462-4162