Komdu að leika á EYFIRSKA SAFNADAGINN!

Margt er um að vera á Minjasafninu á Akureyri, Nonnahúsi , Davíðshúsi og Gamla bænum Laufási Á EYFIRSKA SAFNADAGINN  laugardaginn 7. maí kl 11-17. Hulduheimar, álfar og huldufólk líta dagsins ljós á striga í Minjasafnsgarðinum eftir að börn á öllum aldri hafa tekið pensilinn og leyft ímyndunaraflinu að taka alla stjórn í myndsköpuninni. Viltu sippa, fara í boltaleik, kríta og húlla? Viltu kíkja í Gullkistu Minjasafnins og sjá hvað þar leynist? Nú er tækifærið til að koma og leika!! STOÐvinir safnsins bjóða gestum og gangandi uppá lummur og kakó. 

Strákapör Nonna og Manna eru ófá það fá gestir í Nonnahúsi að heyra. Það eru Nonnavinir sem lesa uppúr  bókum Jóns Sveinssonar – Nonna. Veist þú hvaða bein var hestur eða kind í búunum í gamla daga? Ef svo er þá er tækifæri til að láta ljós sitt skína þar sem unga kynslóðin með hjálp eldri kynslóðarinnar fær tækifæri til að gera gamaldags bú með leggjum og skeljum  fyrir framan Nonnahús.

 

Gamaldags leikföng, nammi og leikir verða í fyrirrúmi í Gamla bænum Laufási  í tilefni dagsins. Félagar úr Handraðanum - Laufáshópnum verða við störf í Gamla bænum .  Forvitnileg dagskrá um Jóhann Bessason, bónda og smið frá Skarði, sem endurbyggði Gamla bæinn í þeirri mynd sem hann er nú sem og kirkjuna. Dagskráin verður í Gamla presthúsinu kl 15:30 og er í umsjón afkomenda hans Valgarðar Egilssonar. Safnarúta með sögumanni fer frá Akureyri kl 12:30 í Útgerðarminjasafnið á Grenivík og í Gamla bæinn Laufás.

 

Ertu ljóðskáld? Láttu á það reyna! Orðaleikur verður í  Davíðshúsi þar sem gestum gefst kostur á að gera sín eigin ljóð með orðum hins ástsæla ljóðaskálds Davíðs Stefánssonar. Komdu og prófaðu.

 

Komu að leika og njóttu þess að vera með okkur á Eyfirska safnadaginn!