Ný sýning opnar á Iðnaðarsafninu

Fyrsta skip ÚA, Kaldbakur EA1 kemur til hafnar á Akureyri í fyrsta sinn.

Sjávarútvegur hefur gegnt stóru hlutverki í atvinnulífi Akureyrar um langa hríð. Pollurinn var löngum matarkista Akureyringa en þegar leið að lokum síðari heimsstyrjaldar höfðu Akureyringar hug á að efla bæinn sem útgerðarbæ. Stærsta skrefið í þeirri sögu var þegar Útgerðarfélag Akureyringa var stofnað árið 26. maí 1945. Markmið félagsins var að tryggja stöðuga vinnu, styrkja byggðina og skapa verðmæti. Félagið eignaðist sinn fyrsta togara árið 1947. Seinna bættust við netaverkstæði, söltun, skreiðarverkun og hraðfrystihús.

Sýningin Fiskur úr sjó - Útgerðarfélag Akureyringa í 80 ár opnar á sjómannadaginn, 1. júní, kl. 13.

Bæjarstjóri flytur ávarp. Boðið verður upp á afmælisköku, kleinur og súkkulaði.