Sparisjóður Norðlendinga veitir Gásaverkefninu viðurkenningu

 Í gær voru afhentar viðurkenningar til styrkþega Sparisjóðs Norðlendinga. Sparisjóðurinn studdi myndarlega við miðaldamarkaðinn á Gásum. Verkefnin eiga það sameiginlegt að mati úthlutunarnefndar Sparisjóðsins að  auðga og bæta mannlíf á svæðinu og vinna ötullega að sínum málum.

Örn Arnar Óskarsson, sparisjóðsstjórinn, sagði af þessu tilefni: "Við buðum þeim hingað til að veita þeim viðurkenningu og vekja þannig athygli á því góða starfi sem þeir (styrkþegarnir) vinna til að gera samfélag okkar eins skemmtilegt og fjölbreytt og raun ber vitni".

Á myndinni lengst til vinstri sitjandi má sjá Jóhönnu Oddsdóttur, formann Gásanefndarinnar, og Kristínu Sóleyju Björnsdóttur, verkefnisstjóra sem tóku við viðurkenningunni.