Þjóðháttagleði í Laufási

Dansfélagið Vefarinn á hlaðinu við Laufás

Það verður líf og fjör í Laufási sunnudaginn 23. júní þegar Þjóðháttafélagið Handraðinn og Dansfélagið Vefarinn gæða gamla bæinn í Laufási lífi milli 14 og 17.

Fjörið hefst með sýningu spariklæddra félaga úr Dansfélaginu Vefarinn á hlaðinu fyrir framan Laufás. Þar verða sýndir þjóðdansar með tilheyrandi söngvum og jafnvel boðið upp í dans.

Á hlaðinu verða sýnd handtökin við að slá með orfi og ljá og heyið bundið eftir kúnstarinnar reglum. Á útihlóðum verður band jurtalitað og flatbrauð steikt. Innandyra verður handverksfólk að störfum. Kannski sér einhver framtíðina í kaffibollanum.

Verið hjartanlega velkomin í Laufás á fyrstu þjóðháttahátíð sumarsins.

Munið að safnapassinn gildir út árið. Ókeypis fyrir yngri en 18 ára.

Hvar: Gamli bærinn Laufás – Grýtubakkahreppi

Hvenær: sunnudaginn 23. júní kl. 14-17