Safnið hefur ekki lagst í vetrardvala þótt úti sé veður vont. Nýverið opnaði jólasýning safnsins Göngum við í kringum... og í vikunni verða tveir aðventuviðburðir.
Laugardaginn 14. desember verður upplestur á ljóðum úr Svörtum fjöðrum í Davíðshúsi. Húsið verður opið frá 11 til 16 og er upplagt að líta inn þó ekki nema til að hlusta á eitt ljóð úr þessari vinsælustu ljóðabók allra tíma. Hópur bæjarbúa og góðir gestir ætla að lesa og syngja ljóðin.
Aðgangur er ókeypis í Davíðshús.
Þriðjudagskvöldið 17. desember verður Aðventukvöld í Nonnahúsi og Minjasafninu frá kl. 19-21 þar sem félagar úr þjóðháttafélaginu Handraðinn ásamt starfsfólki safnsins skapa jólalega stemningu í söfnunum. Aðgangur er aðeins 1000 kr. en ókeypis fyrir fullorðna í fylgd með börnum.
Minjasafnið á Akureyri - Nonnahús daglega kl. 13-16
Laufás, Davíðshús og Smámunasafnið opið fyrir hópa
Opið fyrir skólahópa frá kl. 8:30.