Allar gáttir opnar - Ivan Mendez í Davíðshúsi

Ivan Mendez er ungur tónlistarmaður frá Akureyri. Tónlist Ivans einkennist af metnaðarfullri textagerð, einlægni og mikilli innlifun. Undanfarin ár hefur hann komið víða fram, bæði einn sem og  með fyrrum hljómsveit sinni GRINGLO en þeir félagar gáfu út hljómplötu og héldu viðamikla útgáfu/loka tónleika í menningarhúsinu Hofi nú á dögunum.  Þessa dagana vinnur Ivan að nýju solo efni og undirbýr sig fyrir háskólanám í tónlistarframleiðslu í Þýskaland.

Að þessu sinni kemur Ivan einn fram með nýtt og gamalt efni sem sumt hefur ekki enn litið dagsins ljós. 

Viðburðurinn er hluti Listasumars á Akureyri og styrktur af Uppbyggingarsjóði Eyþings.