Í skugganum

Sýningin Í skugganum segir sögu fyrstu kvennanna sem lögðu stund á ljósmyndun í Danmörku, Færeyjum og á Íslandi. Hér eru kynnt í fyrsta sinn verk tíu einstakra kvenna á samnorrænni ljósmyndasýningu. Konurnar störfuðu allar sjálfstætt sem ljósmyndarar á mismunandi tímabilum frá 1872 og fram til 1925 á svæðinu sem þá var danska konungsveldið. Á sýningunni kynnumst við því rými sem þessir frumkvöðlar meðal kvenna í ljósmyndun störfuðu í, jafnt við stúdíómyndatöku, heimildaljósmyndun, listræna ljósmyndun og við tæknilega nýsköpun.