Fréttir

Laugardaginn 21. janúar er fæðindadagur Davíðs Stefánssonar skálds frá Fagraskógi. Af því tilefni verður opið í Davíðshúsi, Bjarkarstíg 6, frá 13-16.Pétur Halldórsson, útvarpsmaður spjallar við gesti um kynni sín af skáldinu í gegnum þáttagerð og fyrirhugaða hljóðleiðsögn. Þeir sem eiga sögu að segja af kynnum sínum af skáldinu eru hvattir til að koma í heimsókn og deila sögu sinni með okkur.Aðgangur ókeypis.

Safnið verður lokað til 4. febrúar vegna viðhalds og uppsetningar á sýningu á ljósmyndum Bárðar Sigurðssonar.Ljósmyndir Bárðar veita einstæða sýn inn í íslenskt bændasamfélag og þjóðmenningu við upphaf nýliðinnar aldar. Sýningin er samstarfsverkefni Þjóðminjasafns Íslands, Menningarmiðstöðvar Þingeyinga og Minjasafnsins á Akureyri.

Smelltu á myndina til að skoða jóladagatal Brauðbrunnsins.

Það er ekki á hverjum degi sem hægt er að skoða tröll! Það er hins vegar hægt á sýningunni Dátt mun dansinn duna - Þrettándagleði Þórs í 96 ár. Á sýningunni gefur að líta ljósmyndir og tröll sem stigið hafa dansinn undanfarna áratugi. Fyrir þá sem treysta sér ekki til að skoða tröllin er tilvalið að taka sér tíma frá amstri jólaundirbúningsins og skoða sýningarnar Eyjafjörður frá öndverðu og Akureyri bærinn við Pollinn.Ef verslunarþörfin verður yfirþyrmandi er hægt að bregða sér í safnbúðina og versla jólagjafirnar.Hér eru nokkrar myndir úr sýningunni.

Það er hangikjötsilmur í loftinu, einhverjir skringilegir karlar eru á ferli í bæjargöngunum og fólk við jólaundirbúning um allan bæinn. Hvað er á seiði? Jólaandi liðins tíma verður á sveimi í Gamla bænum í Laufási sunnudaginn 4. desember kl. 13:30-16.

Laugardaginn 19. nóvember fagnar handverksfélagið Handraðinn 10 ára afmæli sínu á Minjasafninu á Akureyri með sýningu og kynningu á starfi félagsmanna allt frá miðalda fatnaði, skóm og áhöldum til 19. aldar búninga og smíðisgripa.Það verður því líf og fjör á Minjasafninu á Akureyri milli 14-16 laugardaginn 19. nóvember og enginn ætti að láta hið margrómaða starf félaga Handraðans framhjá sér fara og kynna sér handverk og verkkunnáttu fyrri kynslóða. - Enginn aðgangseyrir.

Nonnahús og Háskólinn á Akureyri standa að veglegri dagskrá um Jón Sveinsson, Nonna á degi íslenskrar tungu 16. nóvember frá 16-16:45 í fundarsal M102.Hermann Sausen, sendiherra Þýskalands flytur opnunarávarp.Brynhildur Pétursdóttir, fv. safnvörður Nonnahúss : Nonni um víða veröld – Ný bók um ævi Jóns Sveinssonar og sýningar í Þýskalandi og Japan.Ágúst Þór Árnason, aðjúnkt við Háskólann á Akureyri, Stórborgarævintýri æskumanns.

Vegna breytinga á sýningum safnsins er lokað á laugardaginn.Opnum aftur laugardaginn 19. nóvember þar sem handverkshópurinn Handraðinn fagnar 10 ára afmæli sínu með sýningu á starfi félagsins. 26. nóvember opnar næsta sýning safnsins verður um Þrettándagleði Þórs sem er  einn af mikilvægu dögum í hátíðarhaldi Akureyrar. Sýndar verða ljósmyndir, gripir og búningar sem tengjast þessum skemmtilega degi sem hefur verið haldinn síðan 1915.