53-h1-283.jpg
Hafnarstræti 64. Fjölskylda Boga Daníelssonar ásamt gestum á svölum hússins. Í garði þessa húss var um 60 ára skeið brjóstlíkan af konu, gert úr tré. Bogi keypti þetta stafnslíkan árið 1903 úr frönsku skipi, La Glaneuse, sem dæmt var ósjófært. Hafnarsjóður keypti skipið á uppboði og var það notað við stækkun hafnarbryggjunnar á Akureyri. Var skipið fyllt grjóti og því sökkt, svo að það myndaði bryggjuhausinn. Bjarni Einarsson skipasmiður sá um verkið og var því lokið árið 1903. Konumyndin er nú varðveitt á Minjasafninu á Akureyri og er hluti sýningarinnar Land fyrir stafni – Íslandskortasafn Schulte.