Fréttir

Hvað uppgötvuðu danskir leiðangursmenn sem komu til Akureyrar til að rannsaka norðurljós árið 1899-1900? Veistu þú hver Harald Moltke og hvert hlutverk hans var í leiðangrinum? Svör við þessum spurningum og mörgum fleirum færð þú á Minjasafninu á Akureyri fimmtudagskvöldið 13. júní kl 20. Þá verður boðið uppá leiðsögn um sumarsýningu Minjasafnsins á Akureyri Norðurljós - næturbirta norðursins og gönguferð uppá Höfða. Þar reistu leiðangursmenn sér rannsóknarstöð sem einnig var vinnustofa málarans Haralds Moltke. Leiðsögumenn eru þeir Hörður Geirsson sérfræðingur ljósmyndadeildar Minjasafnsins og Haraldur Þór Egilsson safnstjóri. Leiðsögnin hefst á Minjasafninu og aðgangseyrir er kr 900.Minnum á að hægt er að kaupa árskort á safninu á kr 3000. Tilvalið fyrir áhugasama safngesti!

Minjasafnið á Akureyri býður nú ferðalöngum, innlendum sem erlendum, upp á bæði dagskort og árskort. Dagskortin eru tilvalin fyrir ferðamenn sem eingöngu hafa einn dag til að fara um Akureyri og nágrenni. Það kostar 2.000 kr. og gildir á Minjasafnið og þau söfn sem því tilheyra, þ.e. Nonnahús, Davíðshús, Sigurhæðir og Gamla bæinn Laufás í Grýtubakkahreppi.Árskortið er tilvalið fyrir Akureyringa, Eyfirðinga, alla Íslendinga og annað áhugafólk um menningu okkar. Handhafi kortsins getur nýtt sér það og komið á fyrrgreind söfn oft á ári fyrir einungis 3.000 kr.Minjasafnið er opið daglega kl. 10-17 til 15. september. Nonnahús er opið daglega kl. 10-17 til 1. september. Davíðshús og Sigurhæðir eru opin virka daga kl. 13-17 til 1. september. Gamli bærinn Laufás er opinn daglega kl. 9-17 til 1. september.Hægt er að kaupa kortin m.a. á öllum fyrrgreindum söfnum, Upplýsingamiðstöð ferðamála í Hofi og Saga Travel.

Norðurljósin heilla marga enda litríkt og seiðandi náttúrufyrirbrigði. Dönsku leiðangursmennirnrir sem gerðir voru út árið 1899 af dönsku veðurfræðsstofunni komu til Akureyrar til að rannsaka norðuljósin. Sumarsýningin Norðurljós -næturbirta norðursins samanstendur af forvitnilegum fróðleik um norðurljósin, málverkum hins danska Haraldar Moltke frá 1899 og ljósmyndum Gísla Kristinssonar frá Ólafsfirði.Auk þess eru grunnsýningar safnsins: Akureyri - bærinn við Pollinn og Eyjafjörður frá öndverðu.KOMDU Í HEIMSÓKN  

Það voru góðir gestir sem komu á opnun sumarsýningar safnsins á laugardaginn.Norðurljósin heilluðu gesti á sýningunni. Myndir áhugaljósmyndarans Gísla Kristinssonar og málverk Haralds Moltke sýna vel hversu skemmtileg, litrík og einstök norðurljósin eru. Sagan á bak við norðurljósarannsóknir dönsku leiðangursmannanna tók á sig forvitnilega mynd með málverkum Moltkes og gerðu gestir góðan róm af.Minjasafnið er opið í sumar daglega kl 10-17.

Á opnun sumarsýningarinnar Norðurljós - næturbirta norðursins afhenti Helgi Jóhannsson, konsúll Danmerkur á Íslandi, gjöf til safnsins fyrir hönd dönsku veðurfræðistofnunarinnar. Safnið þakkar fyrir merka gjöf en það voru steinþrykk myndir af 18 málverkum Haralds Moltke.

Gamli bærinn í Laufási opnar dyr sínar upp á gátt laugardagin 1. júní kl 9 og býður velkomna alla þá gesti, innlenda og erlenda, sem leggja land undir fót í sumar.  Sunnudaginn 2. júní er tilvalið að gera sér ferð í Laufás því kl 14 til 16  verður handverksfólk úr Þjóðháttafélaginu Handraðnum að störfum í Gamla bænum og starfsfólk Pólarhesta koma með hesta og teyma undir ungum gestum á flötinni.   Ungir sem aldnir geta svo sest niður eftir góðan dag í Kaffi Laufási með þjóðlegt bakkelsi og yndislegt útsýni yfir fjörðinn.   Gamli bærinn í Laufási er í umsjón Minjasafnsins á Akureyri en í eigu Þjóðminjasafns. Gamli bærinn í Laufási er opinn í sumar daglega frá kl 9-17 til 1. september.

Safnið er lokað vegna framkvæmda fram til 1. júní en þá OPNUM við sumarsýningu okkar NORÐURLJÓS - næturbirta norðursins.