22-h1-279.jpg
Apótekið, Aðalstræti 4, sem Jóhann lyfsali Thorarensen reisti árið 1859. Hér var lyfjabúðin allt til ársins 1928, er hún var flutt í Hafnarstræti 104. Ofar í brekkunni er hús Jóhannesar Halldórssonar, cand.theol. og skólastjóra, Ráðhússtígur 4, byggt um 1880. Þar bjó lengi Lárus J. Rist ásamt fjölskyldu sinni. Lárus var landsþekktur leikfimi- og sundkennari og synti fyrstur manna yfir Oddeyrarál árið 1907. Slökkvilið Akureyrar brenndi Ráðhússtíg 4 árið 1969. Apótekið stendur hins vegar enn og hefur nýlega verið endurgert.