Fréttir

Á laugardaginn er safnið opið kl 14-16. Fyrir áhugasama þá stendur ljósmyndasýningin FJÁRSÓÐUR -tuttugu ljósmyndarar frá 1858-1965- ennþá yfir. Aðrar sýningar safnins eru: Akureyri - bærinn við Pollinn og Eyjafjörður frá öndverðu. Ekki er úr vegi að minna á safnbúðina en þar má finna margt stórt og smátt sem vel á heima í tækifæris- og jólapakka. Hlökkum til að sjá ykkur. 

 Þar sem veðurútlit er vont á laugardag fellur dagskrá um Jóhann Bessason niður. Nánar auglýst síðar.

Það voru margir sem gerðu sér glaðan dag á laugardaginn og ófá börn sem tóku þátt í því að finna þórslíkneskin sem búið var að fela á sýningum safnins. Í dag drógum við tvo heppna vinningshafa út. Þeir eru: Sesar Hersisson og Gabríel Guðmundsson. TIL HAMINGJU. þið getið nálgast vinninginn hér á Minjasafninu næstu daga. Verðlaunin er spennuskáldsagan Gásagátan eftir hinn margverðlauna barnabókarithöfund Brynhildi Þórarinsdóttur. Bókin er skrifuð fyrir börn og gerist á í miðaldakaupstaðnum á Gásum í Eyjafirði.

Hefur þú smakkað reyktan bringukoll, fjallagrasaslátur eða heimagerða kæfu? Ef ekki þá skaltu grípa tækifærið og kíkja í heimsókn í Laufás á laugardaginn!! Það verður margt verður um að vera í Laufási á laugardaginn, 16. október, kl 13:30-16. Dagskrá dagsins hefst með messu í kirkjunni. Að henni lokinni verða haustverkin unnin sem tilheyrðu þessum árstíma í gamla sveitasamfélaginu.

Safnið er opið á morgun, laugardag, kl 14-16.Hlökkum til að sjá ykkur.

Í tilefni af vetrarfríi nemenda og fjölskyldna þeirra um allt land verðum við með opið hjá okkur á Minjasafninu frá föstudeginum 22.okt til og með þriðjudagsins 26.október frá kl 13-16. Við viljum einnig vekja athygli á árlegum viðburði STOÐvina safnins á fyrsta vetrardag, laugardaginn 23. október, kl 14-16. Þann dag er margt forvitnilegt og fróðlegt að gerast á safninu sem er tilvalið fyrir allar fjölskyldur. Við hlökkum til að sjá ykkur!