Fréttir

Hvaða gildi höfðu klæði eða klæðnaður á Sturlunga öld? Hvað lögðu menn á sig til að vera flottir í tauinu og tolla í tískunni? Hverju hefði Sighvatur á Grund klæðst? Hefði hann klæðst eins og Björgólfur í Landsbankanum?Spáð í klæðnað  Sturlunga kl. 14:00 í Minjasafninu á Akureyri.

Söngvaka í Minjasafnskirkjunni 9. júní kl. 20:30. Aðgangseyrir 1500 kr. Söngferðalag í tali og tónum um íslenska tónlistarsögu frá miðöldum til okkar daga. Efnisskráin er afar fjölbreytt og spannar allt frá dróttkvæðum miðalda til söngva og þjóðlaga frá nítjándu og tuttugustu öld.Flytjendur: Þórarinn Hjartarson og Þuríður Vilhjálmsdóttir

Við þökkum góða þátttöku í ratleik Minjasafnsins, Nonnahúss og Iðnaðarsafnsins á Akureyri á eyfirska safnadeginum 5. maí sl. Smelltu hér að neðan til að lesa nöfn þeirra sem voru dregnir úr lukkuhattinum. 

Vinnuhjúaskildagur, hvað er nú það? Sögulegir íslenskir merkisdagar sem tengjast atvinnulífi eru margir. Þar á meðal er vinnuhjúaskildagur. Af þessu tilefni og sumaropnun Gamla bæjarins í Laufási munu STOÐ-vinir Minjasafnins flytja fróðleiksmola um vinnuhjúaskildaginn sunnudaginn 13. maí kl. 14 og kveðnar verða rímur í baðstofunni. Gamli bærin er opinn milli 14 og 16. og verða kaffi/kakó og lummur í Gamla prestssetrinu. Gamli bærinn í Laufási er opinn alla daga frá kl. 9-18 fram til 15. september.

Eyfirðingar sem og aðrir gerðu sér glaðan dag á eyfirska safnadaginn og flykktust í söfnin í firðinum.

Kirkjulistavika í Akureyrarkirkju hefst Dagana 28. apríl, en þetta er í 10.  skipti sem Akureyrarkirkja og Listvinafélag Akureyrarkirkju standa að Kirkjulistaviku, sem hefur verið  haldin annað hvert ár frá árinu 1989.  Dagskrá Kirkjulistavikunnar verður fjölbreytt að vanda. Minjasafnið stendur að sýningu á Altarisdúkum í kirkjum Eyjafjarðarpórfastsdæmis. Sýningin er afrakstur rannsóknar Jennýjar Karlsdóttur og Oddnýjar E. Magnúsdóttur.Sýningin er í kapellu Akureyrarkirkju verður opnuð sunnudaginn 29. apríl kl. 16:00.

Andi nítjándualdar svífur yfir vötnum í Minjasafnskirkjunni sunnudaginn 29. apríl nk. kl. 14 en þá verður sungin messa í nítjándualdar stíl. Messuform, sálmar og tón verður sótt í heimildir frá seinni hluta 19. aldar.  Kammerkórinn-Hymnodia leiðir sönginn.  Organisti er Eyþór Ingi Jónsson og prestur sr. Óskar Hafsteinn Óskarsson.  Messukaffi í Zontasalnum Aðalstræti 54. 

Á milli 500 og 600 manns lögðu leið sína á Minjasafnið á sumardaginn fyrsta. Starfsmenn og vinafélag Minjasafnsins þakkar öllum þeim sem tóku þátt í að skapa skemmtilega sumarstemningu með góðri þátttöku.Þú getur skoðað myndaalbúm frá sumarhátíðinni með því að smella hér.

Fjölskyldustemning á Minjasafninu á Akureyri sumardaginn fyrsta kl 14-16  með leikjum, lummum og söng. Blásum vetrinum burt með sápukúlublæstri.  Minjasafnið á Akureyri, STOÐvinir Minjasafnins og Akureyrarstofa standa að barnaskemmtuninni með góðum stuðningi Dótakassans.Aðgangur er ókeypis 

Mánudaginn 9. apríl, annan í páskum, verður hátíðarmessa í Minjasafnskirkjunni kl. 17:00.Sr. Óskar Hafsteinn Óskarsson sér um athöfnina og félagar úr kór Akureyrarkirkju syngja. Kristjana Arngrímsdóttir syngur einsöng. Organisti er Arnór B. Vilbergsson. Hátíðleg stemning í kirkjunni sem byggð var 1846 á Svalbarði við Eyjafjörð en flutt í Minjasafnsgarðinn við Aðalstræti árið 1970. Kirkjan var endurvígð 1972.