Fréttir

Dagur íslenskrar tungu, 16. nóvember, er helgaður Jónasi Hallgrímssyni. Af þesu tilefni kemur út bókin Jónas Hallgrímsson - Ævimynd, eftir Böðvar Guðmundsson og verður fyrirlestur um Jónas í Ketilhúsinu á Akureyri kl. 17:15 sama dag. Um helgina verður minningarstofa og fræðimannsíbúð að Hrauni í Öxnadal opnuð fyrir almenning. Opið verður frá 13-18 báða dagana.

Stoðvinir Minjasafnins á Akureyri verða með opinn félagsfund miðvikudaginn 14. nóvember kl. 17.00-18.00 í Minjasafninu.Fundurinn er opinn öllum þeim sem hafa áhuga á vexti og viðgangi Minjasafnsins á Akureyri. 

Góður rómur var gerður af dagskrá og sýningu Stoðvina Minjasafnsins um kjarnakonurnar úr Innbænum fyrsta vetrardag á Amtbókasafninu.  Sýningin er opin frá 24. október til 7. nóvember á opnunartíma Amtsbókasafnins

Undanfarnar vikur hafa leikskólabörn verið tíðir gestir hér á safninu. Elstu börn skólanna hafa komið til að kynnast sögu bæjarins og upplifa skemmtilega heimsókn á safn. Krakkarnir í Jötunheimum á Iðavelli litu við á safninu um daginn og gerðu gott betur því þau buðu safnkennaranum að koma í heimsókn. Á leikskólanum var unnið með sjónræningja þema og því kom safnkennarinn klifjaður sjóræningjakistu sem í voru ýmsir munir.skoða myndir

smelltu á myndina til að skoða auglýsingunaAðgangur að dagskránni og sýningunni er ókeypis.

Fjölmargir gerðu sér glaðan dag í Gamla bænum Laufási laugardaginn 13. október. Þar voru haustverkin í gamla sveitasamfélaginu og hægt að upplifa gamla tíð með öllum skynfærum.  Í skálanum var forvitnilegur markaður með ýmsu góðgæti fyrir munn og maga.

Um næstu helgi verður sýningin MATURINN 2007 haldin í Verkmenntaskólanum á Akureyri. Fyrir henni stendur félagið Matur úr héraði – Local Food og er sýningunni ætlað að endurspegla fjölbreytni í mat og matarmenningu á Norðurlandi. Sýning undir sama nafni var haldin fyrir tveimur árum en sýnendur nú eru nærri helmingi fleiri og dagskrá ennþá fjölbreyttari. Meðal viðburða á sýningunni er úrslitakeppni Klúbbs matreiðslumeistara um titilinn Matreiðslumaður ársins 2007. Sýningin verður opin kl. 11 -17 á laugardag og sunnudag og er aðgangur ókeypis. Formleg opnun verður kl. 14 á laugardag þegar Einar Kr. Guðfinnsson, sjávarútvegs- og landbúnaðarráðherra, heimsækir sýninguna.

smelltu á myndina til að skoða auglýsinguna

Innbærinn skartar haustlitunum þessa dagana. Hörður Geirsson, safnvörður ljósmyndadeildar, tók þessa mynd af afmælisbarninu Jóni Sveinssyni, Nonna.

Það er ekki á hverjum degi sem grunnskólanemendur taka þátt í að búa til sýningu á söfnum. Nú er opnuð á Minjasafninu sýning sem er afrakstur verkefnis um Gásir sem nemendur í 6. bekk Giljaskóla unnu 2006-2007.Sýningin er öllum opin á laugardögum frá 14-16 til 24. nóvember.Nemendum í 4. og 5. bekk á starfssvæði safnsins verður boðið sérstaklega á sýninguna.