Lesa meira

Allir lesa... Hási kisi í Davíðshúsi

 Föstudaginn 7. nóvember kl. 17:30, mætir Hási kisi og flytur eigin ljóð. Ekki er um eiginlegan kött að ræða heldur föngulegan hóp ljóðskálda af Austurlandi sem hefur staðið fyrir eða tekið þátt í fjölmörgum ljóðaviðburðum og –hátíðum síðan 2008. Hópinn Hása kisa fylla þau Ingunn Snædal, Hrafnkell Lárusson, Ásgrímur Ingi Arngrímsson og Stefán Bogi Sveinsson. Meðlimir hópsins hafa verið dugmikilir á ljóðasviðinu, gefið út níu bækur og eiga þeir tveir síðast töldu glænýjar ljóðabækur í betri bókabúðum. Stefán Bogi gefur út bókina Brennur og Hrafnkell  Ég leitaði einskis ... og fann. Davíð Stefánsson tekur sjálfur óbeinan þátt í viðburðinum. Upptökur af ljóðalestri hans óma úr viðtækjum. Betra upphaf af helgarfríi er vart hægt að hugsa sér!
Lesa meira

Allir lesa... Söngur hrafnanna í Davíðshúsi

   Fimmtudaginn 6. nóvember kl. 19 verður útvarpsleikritið Söngur hrafnanna eftir Árna Kristjánsson flutt í stofum Davíðshúss við Bjarkarstíg 6. Húsið er einmitt sögusvið þessa verðlaunaleikrits sem Viðar Eggertsson leikstýrði. Sannkallað eyrnakonfekt.
Lesa meira

Síðasta sýningarhelgi á ljósmyndum Harðar Geirssonar

Nú um helgina er síðasta tækifærið til að skoða ljósmyndasýninguna MEÐ AUGUM FORTÍÐARLaugardaginn 1. nóvember kl. 14:30 mun Hörður Geirsson leiða gesti í allan sannleikann um ljósmyndatæknina sem notuð var á tímabilinu 1850 -1880 og var kölluð votplötutækni. Hann hefur tekið myndir af heimabæ sínum með þessari tækni og á sýningunni má sjá afraksturinn.  
Lesa meira

Lesa meira

Faldbúningsnámskeið

Námskeið í gerð faldbúnings í samvinnu Heimilisiðnaðarfélags Íslands og Handraðans 18.-19. október n.k. í Eyjafjarðarsveit. Nánari upplýsingar  veitir Heimilisiðnaðarfélagið  s. 551-7800/ 551-500  einnig hægt að senda tölvupóst á    skoli@heimilisidnadur. Verð á námskeiði fyrir alla helgina er  26.000.
Lesa meira

Fornleifarannsókn í Innbænum

  Frumdægur Akureyrar er samstarfsverkefni Fornleifafræðistofunnar ehf og Minjasafnsins á Akureyri. Í tengslum við verkefnið verða fornleifafræðingur og nemi á vegum Fornleifafræðistofunnar við rannsóknir í Innbænum á gömlu Akureyri 15.-16. ágúst n.k. Grafinn verður prufuskurður á grasbletti norðan við verslunina Brynju í þeim tilgangi að rannsaka mannvistarlög undir sverði sem tengst gætu gamla verslunarstaðnum sem stofnaður í kjölfar einokunarinnar árið 1602. Engin fornleifafræðileg rannsókn hefur farið fram á verslunarstaðnum og því áhugavert að sjá hvað jarðlögin hafa að geyma. Rannsóknin í sumar er fyrst og fremst hugsuð sem könnunarrannsókn og verður haldið áfram næsta sumar ef niðurstöður gefa tilefni til.
Lesa meira

Hefðarferð á Súlur 30.ágúst

 26. mars 1900 heimsóttu vísindamenn úr dönskum norðurljósaleiðangri „Höllina” á Súlum í síðasta sinn ásamt akureyrskum vinum sínum. „Höllin“ var kofi sem byggður var nálægt tindi fjallsins og þar höfðust við 1-2 vísindamenn í janúar-mars árið 1900.30. ágúst verður fjallaförin endurtekin í samstarfi Icelandair hótel Akureyri og Minjasafnsins á Akureyri. Gengið verður með leiðsögn í fótspor norðurljósamannanna í viðeigandi búningum frá 1900 og skálað í kampavíni á fjallstindinum. Gangan hefst kl. 9:00 við Icelandair hótel Akureyri þar sem sameinast verður í einkabíla. Ráðgert er að ferðinni ljúki um 14:00. Skráningargjald 1.000 kr innifelur leiðsögn og freyðivínsglas. Skráning í síma 518-1000 eða á akureyri@icehotels.is fyrir 28. ágúst.
Lesa meira

2 fyrir 1 um verslunarmannahelgina. Verið velkomin !

Í tilefni af fjölskylduhátíðinni "Einni með öllu" um verslunarmannahelgina býður Minjasafnið 2 fyrir 1 af aðgangseyri fimmtudag til sunnudags og áfram frítt fyrir börnin. Endilega grípið tækifærið og kíkið í heimsókn. Skoðaðu sæskrímslin í garðinum og á sýningunni. Taktu þátt í fjársjóðsleiknum. Settu saman þitt eigið kort! Skoðaðu sýninguna með kíki eða áttavita!Taktu ljósmynd í gömlu ljósmyndastofunni og skelltu þér í öskudagsbúning.       
Lesa meira

Leiðsögn um Gásir og bakland Gása í kvöld fimmtudag 17. júlí

Fimmtudaginn 17. júlí standa Minjasafnið á Akureyri, Gásaverkefnið, AkureyrarAkademían og aðstandendur fornleifarannsókna í Hörgárdal (Fornleifastofnun Íslands og fornleifadeild CUNY NORSEC í New York) fyrir fornleifadagskrá á Gásum og í Hörgárdal. Dagskráin hefst kl. 20 þar sem veitt verður leiðsögn um Gásir og gestir fræddir um hvað uppgröfturinn þar hefur leitt í ljós.Eins og fram kemur á vef Gásakaupstaðar er fornleifauppgreftri lokið í bili en á árunum 2001-2006 stóðu Minjasafnið á Akureyri, Þjóðminjasafn Íslands og Fornleifastofnun Íslands fyrir fornleifarannsóknum á svæðinu þar sem opnaðir voru um 14F00 fermetrar. Þar hefur m.a. fundist eitt stærsta safn miðaldaleirkerjabrota á Íslandi.Að leiðsögn lokinni mun áhugasömum standa til boða að fara með rútu inn Hörgárdal, að Skugga í landi Staðartungu þar sem fornleifafræðingar eru nú við uppgröft og rannsóknir sem eru liður í verkefninu Bakland Gása. Verkefnið miðar að því að setja Gásir í stærra samhengi með því að skoða sveitina sem á sínum tíma studdi við og hagnaðist á verslun við Gásir.Rútuferðin frá Gásum inn Hörgárdal stendur gestum til boða þeim að kostnaðarlausu (meðan rúm leyfir), en gert er ráð fyrir að þeir komi sér sjálfir að Gásum. Jafnframt er bent á að til þess að komast að uppgreftrinum á Skugga þarf að ganga dálítinn spöl frá þjóðvegi upp grasi gróna hlíð og því er æskilegt að fólk sé vel skóað og klætt eftir veðri. Gera má ráð fyrir um 15 mín göngu og reiknað er með að koma aftur til baka um kl. 22.30.Dagskráin er liður í Miðaldadögum á Gásum sem verða haldnir 18.-20. júlí næstkomandi.
Lesa meira