Fréttir

Áhuginn á þjóðbúningnum fer sífellt vaxandi. Það sýndi sig á viðburðinum Út úr skápnum –þjóðbúningana í brúk! sem haldinn var síðdegis á föstudaginn á Minjasafninu á Akureyri.

Áttu þjóðbúning? Búningasilfur? Þarf að breyta eða bæta?

Fulltrúar norrænu minjavörslunnar heimsóttu Laufás sl. föstudag en hún var hluti af dagskrá Nordic Heritage Heads Forum (NHHF) sem haldin var í Mývatnssveit. Auk þátttakenda frá Minjastofnunar Íslands voru þar fulltrúar frá Slots- og kulturstyrelsend í Danmörku, Museiverket í Funnlandi, Tjóðsavnið í Færeyjum, Riksantikvaren í Noregi, Riksantikvarieämbetet í Svíðþjóð og Kulturbrån á Álandseyjum.

Í tilefni Akureyrarvöku verður frítt í Davíðshús, Nonnahús og á Minjasafnið bæði föstudaginn 24. og laugardaginn 25. ágúst. Einnig er frítt á Stofutónleika í Davíðshúsi á fimmtudagskvöldið

Kátur hópur frá Metropolitan Flute Orchestra heimsótti Nonnahús og Minjasafnið í morgunsárið 21. júlí s.l. Þau héldu frábæra tónleika í Hofi um kvöldið.

Góður rómur hefur verið gerður að miðaldadögum á Gásum sem hafa gengið vel og aðsókn góð. Hér eru nokkrar myndir frá miðaldadögum.

Hvernig væri að bregða sér til miðalda? Kannski til ársins 1318? Það er hægt á Gásum rétt utan við Akureyri á Miðaldadögum 20. til 22. júlí. Gásir er einn helsti verslunarstaður á miðöldum. Árlega færist líf og fjör á verslunarstaðinn sem er endurskapaður á tilgátusvæði með tilheyrandi miðaldamannlífi.

Handverksfólk úr Handraðanum og ýmsir fleiri taka þátt í að gæða bæinn lífi og sýna handverk úr gamla sveitasamfélaginu í viðeigandi umhverfi Gamla bæjarins í Laufási við Eyjafjörð.

  Á dögunum færði Hermann Jónsson okkur fágætan silfurpening sem líklega er frá 1065-1080. Slíkir fundir eru afar sjaldgjæfir. Á framhlið peningsins er andlit en á bakhliðinni krossmark. Myndin er líklega Ólafur kyrri, sonur Haraldar harðráða. Peningurinn hefur verið notaður sem hálsmen.Hermann fann peninginn sem strákur á Mýlaugsstöðum í Aðaldal þegar hann var að leika sér með bíla í moldinni. Nýlegur fornleifafundur í Skaftárhreppi ýtti við honum að koma gripnum til varðveislu.Peningnum hefur verið komið til Minjastofnunar Íslands en Þjóðminjasafn Íslands tekur við gripnum til forvörslu og varðveislu. Hver veit nema að peningurinn endi síðar á sýningu á Minjasafninu.

Síðastliðin tvö sumur hefur Davíðshús boðið upp á dagskrá um Davíð og verk hans á fimmtudögum.   Nú líður að hausti og á fimmtudaginn, 25. ágúst kl.16, verður lokadagskrá sumarsins í umsjón Valgerðar H. Bjarnadóttur.Dagskráin ber yfirskriftina KOMDU og þar verður þess minnst að 100 ár eru nú liðin frá því að fyrstu ljóð Davíðs Stefánssonar birtust á prenti. Það var í tímaritinu Eimreiðinni, sem gefin var út í Kaupmannahöfn. Ljóðin sem þar birtust voru Komdu, Brúðarskórnir, Allar vildu meyjarnar, Léttúðin og Hrafnamóðirin.  Fyrsta ljóðið, Komdu, lék þar örlagahlutverk. Það var fyrst flutt í góðra vina hópi í Kaupmannahöfn á 21 árs afmæli Davíðs 21. janúar 1916 og snerti svo sterkt hjartastreng eins áheyrandans að hann ákvað að þetta skáld skyldi hann styðja í að koma verkum sínum á framfæri. Og hann gerði það.Sá maður var Sigurður Nordal.  Á fimmtudaginn fer Valgerður H. Bjarnadóttir, húsfreyja í Davíðshúsi yfir þessa sögu, fyrstu ljóðin, stiklar á stóru um aðdragandann að þessum áfanga, og svo fylgir hún skáldinu skref fyrir skref í átt að fyrstu bókinni, Svörtum fjöðrum, sem kom út þrem árum síðar.Verið velkomin í Davíðshús að fagna með okkur!