Fréttir

 Ný og breytt sýning. Bættu við kafla í nýja barnasögu. Hvað gerðist næst?

 Fjölskylduvænar sýningar. Skoðaðu sæskrímslin í garðinum og á sýningunni. Taktu þátt í fjársjóðsleiknum. Settu saman þitt eigið kort! Skoðaðu sýninguna með kíki eða áttavita!Taktu ljósmynd í gömlu ljósmyndastofunni og skelltu þér í öskudagsbúning. 

   Laufáshópurinn glæðir Gamla bæinn Laufási lífi sunnudaginn 6. júli milli 14 og 16. Sýnd verða sumarverkin á í sveitinni. Pólarhestar verða með ljúfa hesta og hægt að stíga á bak. Special activity at the Old turfhouse Laufas on Sunday July 6th between 2 and 4 am. Members from the Laufas-group will show how work was done in the old days. Icelandic ponies from Pólarhestar ready for a short ride around the turfhouse.

Upp úr tjörninni við Minjasafnið á Akureyri og garði þess spretta nú skrímsli sem eiga fætur sínar og hala að rekja til landakorta sem eru á sýningunni Land fyrir stafni- Íslandskort 1547-1808. Skrímslin ætla að ganga á land fimmtudaginn 26. júní kl. 20 við Minjasafnstjörnina á Akureyri. Þar sem sæskrímsli eiga erfitt með að hreyfa sig á landi verður þeim hjálpað síðasta spölinn á Minjasafnið þar sem þau taka sér nú bólfestu á sýningunni. Gengið verður í hersingu við hljómfagra tónlist með  dansandi hreyfilistafólki , blásurum, trumbuleikurum og ýmsum smáskrímslum.Enginn aðgangseyrir.

Söngur hrafnanna hlaut Grímuna í flokknum besta útvarpsleikritið 2014. Leikritið er eftir ungt leikskáld Árna Kristjánsson í leikstjórn Viðars Eggertssonar og hljóðmynd eftir Einar Sigurðsson. Leikritið fjallar um Davíð Stefánsson frá Fagraskógi og heimsókn vina hans Páls Ísólfssonar og Árna Kristjánssonar píanóleikara í Bjarkarstíg 6. Verkið verður  endurflutt sunnudaginn 22. júní á Rás 1 kl. 13:00.     

Hluti af sýningunni Með augum fortíðar eru myndir sem teknar verða af myndasmiðnum Herði Geirssyni.Teknar verða tvær myndir í mánuði í júní til september þegar veður og aðstæður eru réttar!Hörður verður með sín tæki og tól við Ráðhús Akureyrar kl. 12 laugardaginn 14. júní að taka votplötuljósmyndir. Allir velkomnir að fylgjast með óvenjulegri myndatöku.  

Einn af fjársjóðum safnsins eru Stoðvinir safnsins. Félagið og félagsmenn styðja við starfsemi safnsins og mæta á viðburði safnsins. Í dag gefst tækifæri til að kynnast starfi safnsins. Fundað verður í fjölnotarými safnsins  milli 5 og 6 miðvikudaginn 14. maí. Allir velkomnir.