Fréttir

Ný sýning úr Íslandskortasafni Schulte opnar 8. júní.

Lestrarhvetjandi og skapandi námskeið fyrir börn í 3.-4. bekk.

Mennta- og menningarmálaráðherra, Lilja Alfreðsdóttir, kom í góða heimsókn í skáldasöfnin á Akureyri, Nonnahús og Davíðshús. Haraldur Þór, safnstjóri og Sigfús Karlsson, formaður stjórnar Minjasafnsins á Akureyri fræddu hana um starf safnanna. Nonnahús og Davíðshús eru ein rótgrónustu skáldasöfn á Íslandi. Nonnhús opnaði sem safn 1957 en Davíðhús varð að safni árið 1965. Davíðshús er varðveitt í upprunalegri mynd en í Nonnahúsi er sýning um Nonna og fjölskylduna sem þar bjó. Svo skemmtilega vildi til að þegar heimsókn ráðherra stóð sem hæst í Nonnahúsi birtust gestir frá Póllandi sem vilja færa safninu bækur á pólsku en starfsfólk safnsins hafði einungis vitað af einni útgefinni bók á pólsku.

Sumardagurinn fyrsti var í senn bað- og gjafadagur. Um leið og við óskum ykkur gleðilegs sumars höldum við í hefðina og færum ykkur sumargjöf sem er sýningin Þekkir þú... sem eru 130 ljósmyndir úr safni KEA og eftir áhugaljósmyndarann Hartman Eymundsson. Sýningin er öðrum þræði leikur fyrir fullorðna en undanfarnar vikur hafa gestir safnsins rýnt í myndirnar og veitt okkur upplýsingar um myndefnið.

Á sýningunni Tónlistarbærinn Akureyri leikum við okkur með að setja saman orgel, pípu fyrir pípu, raða nótum og tengja við vindhlöðu, setja saman orgelhúsið og auðvitað prófa hljóðfærið. Í lokin flytjum við saman ævintýri fyrir orgel og sögumann sem samið var sérstaklega fyrir orgelið. Það er organistinn Sigrún Magna Þórsteinsdóttir sem stjórnar þessari stund sem tekur klukkutíma og ætluð krökkum á aldrinum 7-12 ára. Aðgangur ókeypis – Viðburðurinn er styrktur af Norðurorku Takmarkaður fjöldi – skráning á minjasafnid@minjasafnid.is

Tónlistarorkuvagninn rúllar inn á sýninguna Tónlistarbærinn Akureyri. Minjasafnið á Akureyri hlaut nýverið styrk úr samfélagssjóði Norðurorku til að efla safnfræðslu á sýningunni Tónlistarbærinn Akureyri. Inn á hana rúllar fljótlega Tónlistarorkuvagninn með ýmiskonar hljóðfærum til notkunar fyrir alla sýningargesti en einkum fyrir safnfræðsluhópa. Að sýningu lokinni færum við, og Norðurorka, Tónlistarskólanum á Akureyri þau til notkunar í skapandi starfi í grunnskólum bæjarins. Takk kærlega fyrir okkur Norðurorka.

Það eru fáir dagar sem setja jafn mikinn svip á bæjarlífið á Akureyri og öskudagur. Þannig hefur það líka lengi verið. Börnin vakna snemma klæðast skrautlegum búningum og mynda hvert öskudagsliðið af öðru. Þessum hátíðisdegi barnanna er efni nýrrar sýningar.

Þekkir þú ... er ljósmyndasýning þar sem þú getur lagt þitt af mörkum. Þekkir þú staðinn, atburðinn, fólkið, húsið eða bílinn? Býrð þú yfir sögu sem tengist myndefninu?

Það er G-vítamín í boði á Minjasafninu í dag 10. febrúar. Er ekki kominn tími á andlega næringu.

Á hverjum degi fram til jóla birtist jólamoli á vefsíðu og samfélagsmiðlum safnsins.